上一页

ⓘ 古蹟 - 香港法定古蹟, 暫定古蹟, 古物諮詢委員會, 大館, 香港二級歷史建築, 香港一級歷史建築, 尖沙嘴鐘樓, 香港三級歷史建築, 尖沙嘴火車站, 黃竹坑石刻, 上窰民俗文物館, ..




                                               

香港法定古蹟

香港法定古蹟 係根據香港法例第 53 章保護嘅香港歷史建築同文物。截至2016年5月20號,全香港共有114項法定古蹟,其中45項喺香港島、11項位喺九龍、51項喺新界(唔包括離島)、8項喺離島。

                                               

暫定古蹟

暫定古蹟 係香港古蹟嘅一類,適用喺未做香港法定古蹟嘅歷史建築。當嗰座建築受到破壞威脅嗰陣,經古物諮詢委員會批准,可以將嗰座建築即刻列做暫定古蹟,為期一年,政府同業主可以喺一年內傾保育方案。

                                               

古物諮詢委員會

古物諮詢委員會 (英文: Antiquities Advisory Board )係香港一個法定機構,委員由各有關領域嘅專門人才組成,委員會根據古物古蹟事宜,向古物事務監督提供建議。

                                               

大館

大館 ( Tai Kwun ),全名 大館古蹟及藝術館 ( Tai Kwun Centre for Heritage and Arts ),係香港一個藝術展覽場地,由 中區警署建築群 (包括舊中區警署、域多利監獄同前中央裁判司署)活化而嚟嘅,一共有十六座歷史建築,都喺香港島中環荷李活道嗰頭,同埋都係香港法定古蹟。香港賽馬會將中區警署建築群活化成藝術展覽場地,2018年5月29號正式對外開放,新名「大館」係嚟自舊時市民對中區警署嘅俗稱。

                                               

香港二級歷史建築

香港二級歷史建築 (英文: Grade II historic buildings in Hong Kong )係香港古物古蹟辦事處評級嘅香港歷史建築嘅第二個級別,呢個級別嘅建築物,具有特別價值而需要有選擇噉將佢保存。

                                               

香港一級歷史建築

香港一級歷史建築 (英文: Grade I historic buildings in Hong Kong )係香港古物古蹟辦事處評級嘅香港歷史建築嘅第一個級別,呢個級別嘅建築物,具有特別重要價值,可以嘅話,需要盡一切努力將佢保存。

                                               

尖沙嘴鐘樓

尖沙咀鐘樓 ,官方叫 前九廣鐵路鐘樓 ,響香港九龍尖沙咀海邊,係九廣鐵路舊尖沙嘴火車站嘅一部分。鐘樓響1915年起好,而家做咗香港法定古蹟。

                                               

香港三級歷史建築

香港三級歷史建築 (英文: Grade III historic buildings in Hong Kong )係香港古物古蹟辦事處評級嘅香港歷史建築嘅第三個級別,呢個級別嘅建築物,具有一定嘅價值,並適宜喺以某種形式將佢保存;如果保存唔到嘅話,可以考慮其他方法。

                                               

尖沙嘴火車站

尖沙嘴火車站 喺香港九龍尖沙嘴最南端嘅海邊,係舊時九廣鐵路嘅香港總站,佢喺1913年開始起,1915年起好,直到1975年11月30號由紅磡站取代成為九廣鐵路嘅香港總站,到咗1978年尖沙嘴火車站就拆埋,得番個鐘樓留低,原址就起咗香港文化中心。

                                               

黃竹坑石刻

黃竹坑石刻 係香港一處法定古蹟,喺南區黃竹坑近南風道,學者考證過認為係新石器時代古蹟。

                                               

上窰民俗文物館

上窰民俗文物館 (Sheung Yiu Folk Museum)係香港文化博物館嘅分館,喺新界西貢北潭涌風景區入面嘅自然教育徑,佔地500平方米,原址係一條19世紀末由原籍廣東寶安縣黃草嶺黃氏族人起嘅村落──上窰村。1981年,上窰村同鄰近嘅一座灰窰被列為法定古蹟。1984年復修後改做民俗文物館,開放畀市民參觀。全館以房舍、更樓、豬舍、牛欄、敞闊嘅曬坪同其他附設嘅建築結構為主題,陳列各種農具同家庭用品,並附有相片同圖片說明,重現上窰昔日嘅鄉村風貌。

                                               

臺南市文化資產一覽

臺南市文化資產 係喺臺南市(包含原省轄台南市同原臺南縣)嘅各級古蹟同歷史建築。原臺南市可以話係臺灣嘅歷史名城,從1624年荷治時期建城到而家已有將近四百年嘅歷史,自17世紀作為臺灣全島首府長達200幾年。喺歷經咗荷治、明鄭、清領同日治等時期嘅交織後,每個時代多少都有留低一啲建築同文化物件。令台南成咗文化資產最多嘅縣市。 原臺南市周圍嘅地區,喺清代臺南成為臺灣府城後,先後成為臺灣縣、安平縣等行政區,最後成為臺南縣,而喺2010年12月25號,臺南縣市合併升格為直轄市,令呢兩個區域從此合二為一。