上一页

ⓘ 林村河 ,香港一河,喺新界大埔,自林村谷出大埔海,經林村各圍村,近康樂園屈入大埔新市鎮出海,英文寫 Lam Tsuen River 。水源自大帽山同觀音山。條河係香港僅存嘅大型低 ..




林村河
                                     

ⓘ 林村河

林村河 ,香港一河,喺新界大埔,自林村谷出大埔海,經林村各圍村,近康樂園屈入大埔新市鎮出海,英文寫 Lam Tsuen River 。水源自大帽山同觀音山。條河係香港僅存嘅大型低地河,流域大,範圍約莫有十八平方千米半,分水嶺為林村谷羣山。佢支流有社山河,同喺谷地。林村河生物品種繁多,包括稀有動物香港蠑螈。行政上,林村河整個流域都響大埔區。

由於啲水要輸入船灣淡水湖,喺三渡坑有尼龍壩,閘住啲水,對上嘅水質受到監察同保護。平日壩下水少,只淨一條水坑,直至去錦山村、錦石新村同太和邨一段,海水潮汐漲退匯合,變得充盈。有暴雨時,尼龍壩先至會放水。

                                     

1. 水流

林村河上游,由梧桐寨瀑布開始,流經林村谷,落到中游流,經寨乪、馬蒲尾村同坪朗等農地。中游上半段起咗條60米闊嘅堤壩,毀壞咗天然生態,同埋原有嘅河床。而中游下半段,流經林錦公路側邊。下游起自林錦公路交匯處,去到大埔頭抽水站,呢處有條人造纖維整嘅充氣水壩,控制流量。水站周圍係梅樹坑公園。過梅樹坑就係大埔頭,由此入大埔新市鎮。佢經過帝欣苑、錦石新村,再過太和邨同大埔市中心,最後喺廣福邨滙合大埔河,喺元洲仔以北,流入大埔海。

                                     

2. 史

遠古時林村河並唔係流入大埔海,而係過今日圍頭村一帶屈北,經麻笏河,出梧桐河,出深圳河,流入后海灣。由於平原沖積,水道跟年月變化,因而改道,流入大埔海。

林村河原本喺家下廣福橋附近,就流入大埔海。喺1970年代,大埔新市鎮發展,大埔海近大埔呢邊,就填晒海。因此,林村河就改成人工河道,畀人拉長到去廣福邨先出海。並且,響廣福邨附近,同另一條畀人拉長大埔河匯合,變成今日咁樣。

                                     

3. 堰

堰,當地土話叫陂頭,用來閘住啲水,留起並且引水入田。以往多人種田,要用好多水,村人就閘起啲。

                                     

4. 橋

林村河近大埔,因為河面較闊,以前係靠艇渡河。英國人1898年得到新界,就響大埔起大埔公路,連帶起橋過河。條橋重建,叫廣福橋。因為當時將大埔公路響大埔市一段,改名叫改廣福道。後尾新市鎮發展,條橋柝咗,馬路改道。廣福橋重新起過變人行橋。

林村河大埔一段,響大埔新市鎮發展期間,約莫1984年到1992年,起咗有五座行人橋過河,橋身外貌似唐人建築。佢哋分別係錦石橋、錦和橋、太和橋、廣福橋同寶鄉橋。

                                     

5. 出面網頁

  • 探索林村河源頭
  • 渠務署保護林村河不力
  • 綠色力量 - 從「河」而來教育計劃:林村河
  • 大埔林村河淤泥積存異味四散
  • 小工程,大改善 - 林村河改善工程