上一页

ⓘ 深圳河 ( Sham Chun River )響香港同深圳之間,係兩地最長嘅河,係香港同中國大陸嘅邊界。因為係邊界關係,條河畀鐵絲網圍住,唔畀人自由出入。 呢條河自1898年簽署展拓 ..




                                               

清水河

                                               

龍河路

龍河路 可以係: 廣東 龍河路 深圳:喺深圳龍崗區。 龍河路 廣州:喺廣州白雲區。 安徽 龍河路 淮北:喺淮北杜集區。 龍河路 蚌埠:喺蚌埠龍子湖區。

                                               

豆腐頭

豆腐頭 (Tau Fu Tau)係中國深圳南便一座山,係梧桐山南便一支。佢西便有梧桐山尾,南便有大同頂,東北便係梧桐山主 。 豆腐頭係沙頭角河同深圳河其中一個源頭。

                                               

新桂田

新桂田 ,香港一村,喺新界北部,臨近深圳河,英文叫 San Kwai Tin 。蓮麻坑路經過條村。佢今下部份地方喺邊境禁區入便。地內亦設有新桂田警崗。

                                               

河東路 (深圳)

河東路 (粵拼: ho 4 dung 1 lou 6 )係中國廣東深圳嘅南北道路,喺寶安區。南邊從寶安大道開始,一直向北去到荔園路。

深圳河
                                     

ⓘ 深圳河

深圳河 ( Sham Chun River )響香港同深圳之間,係兩地最長嘅河,係香港同中國大陸嘅邊界。因為係邊界關係,條河畀鐵絲網圍住,唔畀人自由出入。

呢條河自1898年簽署展拓香港界址專條起,係作為租借香港新界部份99年嘅界限。而呢條河係位於香港北區同中國廣東省深圳市之間。佢嘅源頭喺深圳市梧桐山,最後進入香港米埔附近嘅后海灣(深圳灣)。

                                     

1. 源

深圳河因為定義做界河,所以沿邊界推上,去到深圳五廟地,河同邊界就分開,另一邊係香港蓮麻坑路,近伯公坳。伯公坳東谷係沙頭角河其中一個源頭,而坳西谷係深圳河其中一個源頭,佢地夾埋就係新界地界。邊界向東搵沙頭角河支流,而深圳河就沿五廟地上,水就係來自豆腐頭呢座山,就係界河嘅源頭。而深圳河蓮塘邊界一段,由沙灣河口計,向上游嘅12000米,亦都叫蓮塘河,所以一般都話起自梧桐山。

如果唔理界河定義,流入深圳河嘅有蓮塘河,深圳一邊有沙灣河、布吉河、福田河、皇崗河,香港一邊有梧桐河同平原河。其中沙灣河就最長,有20900米,所以以長計,深圳河其實起響布吉同平湖交界嘅牛尾嶺。

                                     

2. 治理

香港政府搞過深圳河治理工程,一共分三期,主要係想減少北區雨季水浸,其次係改善水質,家下做好晒。因為河道拉直,港深兩地交換咗部份土地,當中包括響皇崗口岸東面,原來係落馬洲河套劃入香港境內。