上一页

ⓘ 古洞 ( Kwu Tung )喺香港新界北面,響麒麟山北,河上鄉西南,雙魚河一帶。原本只係一條細村來,喺青山公路南、麒麟山北同雙魚河西之間,家下歐意花園嘅地方,而家下主要 ..




古洞
                                     

ⓘ 古洞

古洞 ( Kwu Tung )喺香港新界北面,響麒麟山北,河上鄉西南,雙魚河一帶。原本只係一條細村來,喺青山公路南、麒麟山北同雙魚河西之間,家下歐意花園嘅地方,而家下主要講係雙魚河以西(近青山公路一小段河東),河上鄉以西南,馬草壟以南,西到白石凹嘅平地,同埋麒麟山北同東北一帶。由於香港政府將青山公路,古洞可愛忠實之家到粉錦公路尾,上水彩園邨對角一段,叫做古洞段,搞到連帶雙魚河東到上水都畀人誤以為係古洞,所以有時金錢、燕崗、松柏塱、丙崗都當埋入古洞。

古洞一帶有大量竂屋。

                                     

1. 名

洞或者洞係可能指古越蠻住嘅地方。後尾呢處變咗係圍頭人、客家人同少數潮州人聚居地。

                                     

2. 地理

今日古洞有三山環抱,南有麒麟山,東北有鳳崗山,西北有白石凹到馬草壟之間唔知叫乜山。麒麟山東有雙魚河,南向北流去上水,同石上河會合。英國人將古洞到上水、粉嶺呢個大谷地叫Long Valley,意思係好長嘅谷。Long Valley呢個名家下用咗來指塱原。

                                     

3. 原古洞

原本古洞係一條細村,雙魚河西便,同麒麟山東北角交界之處。原本係大唔過東便附近金錢、燕崗同河上鄉三條村。

條村響上水到新田兩大村路上正中間,條路由上水向西南行到松柏塱,轉西行,過雙魚河到古洞,古洞向西行,過坳再向西行就到新田。英國人將呢條路變成青山道,即後尾嘅青山公路。而古洞有路南行到石崗,出古泂南行過雙魚河到担水坑,向西南經唐公嶺到蓮塘尾,再南行到打石湖,過坳到亞公田,再落係上輋、竹坑、橫台山同石崗。其中蓮塘尾到橫台山呢段,後尾開成粉錦公路。

原古洞村嘅田地主要響麒麟山腳,同向北嘅谷地平原。北便田地後尾都變成家下屋地廠地。

                                     

4. 今日古洞村

今日古洞村,經已唔係原居民村,面積都幾大,村屋都幾散下,佢北便同馬草壟交接,東北便接河上鄉,東便接燕崗,東南便接金錢。家下分為兩村,一北一南,分界響河上鄉路同青山公路洲頭段。行政上,兩個都歸入上水鄉事委員會之下。雖則話係兩個村,實際上係好多條村夾成。

北村有374公頃,約莫住咗1500人,分五區,即係東方區、塘角區、煙寮區、聯和區同埋鳳崗區。上水展能運動村以南一帶,有約莫50間工廠,多數係木廠、廢物回收場、食品廠同車廠。

南村由石仔嶺伸到去古洞水塘。

                                     

5. 發展

香港政府計劃將古洞粉嶺公路北面,發展為邊界市鎮。古洞北新市鎮佔地498公頃,設計容量為10萬人。

新市鎮南便有港鐵 東鐵綫 落馬洲支線穿過,並且喺新市鎮中心預留古洞站。