上一页

ⓘ 大角咀 (又寫做 大角嘴 ;英文: Tai Kok Tsui )位於香港九龍旺角西面,屬於區議會嘅油尖旺區,但同深水埗區只係界限街之隔。 嘴響唐人地理上來講就係尖凸出來嘅地,而大 ..




大角咀
                                     

ⓘ 大角咀

大角咀 (又寫做 大角嘴 ;英文: Tai Kok Tsui )位於香港九龍旺角西面,屬於區議會嘅油尖旺區,但同深水埗區只係界限街之隔。

嘴響唐人地理上來講就係尖凸出來嘅地,而大角嘴原本個形狀似一條長嘅釘插入海,所以叫佢做大角嘴。而民間貪方便,將嘴寫做咀嚼個咀。

                                     

1. 歷史

原本大角嘴係一個長形嘅半島,外海向住長沙灣,內海就對住芒角嘴,即係後尾嘅旺角嘴。個海角就好似一座長山。英國人接管九龍半島之後,就將大角嘴變船務後勤基地,有唔少船廠整船。而英國人就睇中大角嘴外側啱做船塢,就起咗大同船塢。家下重留少少嗰陣時嘅回憶,好似英文街名Anchor Street(晏架街),係船錨嘅意思。發展大角嘴後,亦都引發香港政府發展大角嘴北面嘅深水埗畀大量工人一個棲身之所。大角嘴內海填平之後,就變成一個工業住宅混合區。

1980年代起,大角嘴開始人口老化,加上工業北移,唔少工廠都已經搬走晒,改做商業大廈。不過,大角嘴舊區仍然保留車房同五金工程呢啲輕工業。到1990年代,為咗起新機場同新港口,西九龍填海計劃畀咗大角嘴好大塊填地,同昂船洲整咗個港灣。新填地因為有奧運站,就自成一角做「 奧運 」嘅住宅區。而舊區仍然留響度。之不過,市區重建局已經落實咗幾個重建項目,未來大角嘴會有唔同面貌。

自從奧運站嘅商業大廈,好似滙豐中心同中銀中心入伙,大角嘴食肆周圍都係,當中大角嘴靠食豬骨煲出名。

                                     

2. 人口

區內年齡層分佈平均,貧富家庭各佔一半比例。

以前,區裏面治安情況好差。1992年,有個差人喺區裏面唔小心中槍。強姦打劫嘅事時有發生,所以區裏面好多居民都唔敢夜返屋企。隨住附近填海區大型屋苑陸續落成入伙,成個區嘅治安希望可以改善。

                                     

3. 市政

經過咗十幾年嘅努力,大角嘴居民成功爭取喺區裏面起市政大廈,而大角咀市政大廈已經喺2005年12月1號正式啟用。咁即係話,1988年起嘅大角咀臨時街市、1978年起嘅大角咀臨時熟食小販市場、1946年起嘅界限街街市同埋舊大角咀公共圖書館喺2005年11月30號正式閂門。

                                     

4. 酒店

  • 紅茶館酒店
  • 富薈旺角酒店
  • 帝豪奧運酒店
  • 九龍珀麗酒店
  • 九龍麗悅酒店
                                     

5.1. 學校 幼稚園

  • 大同新邨聖德肋撒幼稚園
  • 香港保護兒童會中銀幼兒學校
  • 太陽島幼稚園 港灣豪庭分校
  • 太陽島幼稚園 大角咀分校
  • 深培中英文幼稚園
  • 聖馬利亞幼稚園
  • 保良局大角咀幼稚園暨幼兒園
  • 聖嘉華幼稚園
  • 德善中英文幼稚園
                                     

5.2. 學校 小學

  • 鮮魚行學校
  • 大角嘴天主教小學
  • 路德會沙崙學校
  • 大角嘴天主教小學 海帆道
  • 中華基督教會基全小學
                                     

5.3. 學校 中學

  • 聖芳濟書院
  • 保良局莊啟程預科書院
  • 世界龍岡學校劉皇發中學
  • 官立嘉道理爵士中學 西九龍
  • 中華基督教會銘基書院
  • 九龍三育中學
                                     

6. 交通

  • 港鐵:奧運站
  • 過海隧道巴士:904、905、914、971
  • 城巴:A21、E21
  • 巴士
  • 新巴:701
  • 九巴:2E、10、12、13D、16、18、31B、32、33A、37、43C、66X、72X、87A、87B、265B
  • 綠色專線小巴:
  • 3、12A、12B、12S、43M、46、70、78、79K