上一页

ⓘ 中環 (英文: Central ,舊時又直譯做: Chung Wan 、 Choong Wan ),又叫 中區 ( Central District ),係香港一地,地處香港島北岸,域多厘城四環之一。環頭西起消防 ..




                                               

東環路 (佛山南海桂城)

東環路 (粵拼: dung 1 waan 4 lou 6 )係中國廣東佛山嘅南北走向道路,喺南海區桂城,南邊從下柏工業大道西、中嘅交界開始,一直向北去到里圍二路。

                                               

北園酒家

北園酒家 可以係: 北園酒家 廣州:廣州嘅一間老字號酒樓,喺越秀區小北。 北園酒家 香港中環:香港嘅一間酒樓,喺香港島中環。 北園酒家 香港上環:香港嘅一間酒樓,喺香港島上環。

中環
                                     

ⓘ 中環

中環 (英文: Central ,舊時又直譯做: Chung Wan 、 Choong Wan ),又叫 中區 ( Central District ),係香港一地,地處香港島北岸,域多厘城四環之一。環頭西起消防街、急庇利街、城皇街、樓梯街,東至金鐘道與灣仔相接,南便去到堅道,北便經干諾道中望海。圍起上嚟約莫有309英畝。中環自香港開埠計起,一路都係行政同商業中心,亦係香港政府、香港立法會所在地,故此有人話此地乃係「香港心臟」。

                                     

1. 名

中環與中區,並非同一概念。中環個環,唐人聚居嘅地。最初係今日中環街市對上嘅谷,有幾條涌喺處,華人在此搭屋聚居。而中區係英人地域分野。

                                     

2. 風物

現時花園道同鐵崗之間個山仔,大早開埠嗰時經已欽定為政府用地。故此政府機關即如港督府、輔政司署、軍需局、兵房都通通擺響嗰處。而海關、海軍船塢、添馬艦海軍基地亦建於中環海旁。時移世易,雖則香港幾經變遷,不過舊蹟依然。

舊陣時重未曾填海,德己立街、威靈頓街嗰頭洋行多過米舖。當其時嘅洋行成棟樓都係佢嘅(亦即買斷一個地址冧把),樓下係辦公室,樓上就做職員宿舍。中環銀行亦都多到離晒譜,幾乎冚棒冷外國銀號都將總行置於中環。就咁,皇后大道中打上慢慢變成金融商業區,南便就做咗商業住宅地。外國三教九流諸如天主教、聖公會、浸信會都響中環興建總堂,愛嚟做傳教基地。後嚟重有埋西式學校,教化好多唐人子姪。

開埠初期,好多鬼佬唔妥唐人,做乜都唔滲唐人玩,中環一隅,唐人與狗唔入得。及至軒尼詩出任港督之後,至准唐人響中區買地。

時至1911年,中環經已旺到出汁,華洋薈萃、商賈雲集。享譽盛名有聖約翰座堂、港督府、舊大會堂、香港會所、畢打街舊鐘樓諸如此類。

家陣中環住宅同商業分得一清二楚。威靈頓街南便係住宅地,海旁係商業中心,石屎大廈林立,即如國際金融中心、交易廣場、置地廣場、匯豐銀行大廈、中國銀行大廈、怡和大廈。座座大廈都零舍唔同人,每每令遊客歎為歡止。

中環雖則係旺到爆嘅商業區,之但係麻雀雖小五臟俱全,區內都相當多休憩場所,好似兵頭花園、香港公園、遮打花園、皇后像廣場、愛丁堡廣場咁。其中香港公園算係好去處,至啱冚家一齊去。

區內有眾多西式古蹟,譬如話荷李活道中區警署、域多利監獄、都爹利街煤氣燈之類。

中環至有異域情懷之地,相信皇后像廣場敢認第二都冇埞敢認第一。逢親禮拜日,皇后像廣場至遮打道都轉做行人專用區,准許各種團體做騷,呂宋文化大放異彩。

                                     

3. 得意街名

港英政府官名

  • 般咸道
  • 卑利街
  • 德輔道(德輔道中、德輔道西)
  • 羅便臣道
  • 砵甸乍街
  • 堅尼地道

懷舊古老街名

  • 利源東街
  • 攀桂里
  • 利源西街
  • 高陞街
                                     

4. 詩

1870年,黃遵憲赴廣州考鄕試途經香港,吟詩幾首,其中不乏講及中環情形。

見當其時中環洋商共教會之新奇:

講述上中下環紙醉金迷、夜夜笙歌之情形: