上一页

ⓘ 中西區, 香港. 中西區 (粵拼: zung 1 sai 1 keoi 1 ;英文: Central and Western District )係香港十八區之一,地處香港島西北沿岸,背山面海,東起金鐘,西至堅尼地城 ..




                                               

中西區

中西區 可以係: 中西區 臺灣,臺灣臺南市嘅區 中西區 香港,香港嘅區

                                               

利瑪竇宿舍

利瑪竇宿舍 (英文: Ricci Hall ),係香港大學一個宿舍,喺薄扶林北部(屬中西區)薄扶林道93號,隔籬係何東夫人紀念堂,1929年入伙,1966年、1990年、2015年翻新過。宿舍用耶穌會出名神父利瑪竇去命名。

中西區 (香港)
                                     

ⓘ 中西區 (香港)

中西區 (粵拼: zung 1 sai 1 keoi 1 ;英文: Central and Western District )係香港十八區之一,地處香港島西北沿岸,背山面海,東起金鐘,西至堅尼地城,北面係維多利亞港,南面係太平山山頂,其中青洲門間有大、小青洲,離遠望見汲水門。開埠前香港人多數住喺中西區,早期群帶路得50個人,而石塘咀石礦場得25個人。根據2016中期人口統計,人口有243.266,與開埠之初實在係爭天共地。中西區係香港嘅中心商業區,有大量寫字樓、商場以及交通樞紐。其中,西區係香港最早發展嘅地區之一。

                                     

1. 風物

中西區有好多舊建築,印證舊英國殖民時代。其中中區有總督府、高等法院、中央裁判司署、域多利監獄、中央警署、維多利亞軍營、三軍司令官邸,而喺西區,有摩星嶺炮台、龍虎山炮台、卑路乍炮台咁。舊時英國佬將雅賓利道以東愛嚟軍用,西便山坡就愛嚟政用,重改名政府山(又稱鐵崗)。

                                     

2. 掌故

1841年1月26號,英軍於上環水坑口登陸,其後興建卑路乍炮台。初時英軍走趯於港島西北海皮對入三千呎埞方,先有中環、上環、再去到西環,及後重上埋太平山,故此今時今日有半山區同埋山頂區。

                                     

3. 名勝

  • 信德中心:上環地標
  • 國際金融中心二期:香港最高大廈
  • 皇后像廣場:中環地標
  • 半山電梯:世界最長電梯
  • 蘭桂坊:香港SOHO區
                                     

4. 交通

  • 小巴:多數係接駁香港島內部嘅地方去交通樞紐、亦有唔少過海線。
  • 山頂纜車:往來中環花園同太平山。
  • 港鐵:港島綫堅尼地城站至金鐘站、荃灣綫中環站同金鐘站、東涌綫香港站、機場快綫香港站、南港島綫金鐘站。其中,金鐘站係港島綫、荃灣綫同南港島綫嘅三線轉車站,而且以後東鐵綫亦會延伸至本站,令金鐘成為四條鐵路線嘅超級轉車站。而中環站同香港站嘅收費區係連埋一齊,並且有自動行人道連接,可以轉乘港島綫、荃灣綫、東涌綫同機場快綫。
  • 城巴:香港島內嘅交通以及過海路線。
  • 中環碼頭:往來各個離島。
  • 中區行人天橋系統:上環、中環、金鐘密集嘅行人天橋網絡為市民提供安全快捷嘅步行選擇來往各個寫字樓、商場、交通樞紐。
  • 九巴:過海路線經過其中一條過海隧道來往九龍、新界。
  • 中環至半山自動扶手電梯:往來中環至半山區。
  • 新巴:香港島內嘅交通以及過海路線。
  • 港澳碼頭:往來澳門以及一啲中國大陸嘅城市。
  • 香港電車:服務範圍包括本區由堅尼地城去到金鐘,再去到東邊嘅各個旺區,譬如灣仔銅鑼灣,同埋冇鐵路服務嘅地方,譬如跑馬地。
  • 中環天星碼頭:往來尖沙咀天星碼頭。