上一页

ⓘ 張保仔洞 (英文: Cheung Po Tsai Cave )係廣東著名海盜張保仔傳說收藏寶物嘅一啲山竉。呢啲地點多數喺廣東外海、香港離島區,其中位於長洲嘅張保仔洞係最出名,成為咗島 ..




張保仔洞
                                     

ⓘ 張保仔洞

張保仔洞 (英文: Cheung Po Tsai Cave )係廣東著名海盜張保仔傳說收藏寶物嘅一啲山竉。呢啲地點多數喺廣東外海、香港離島區,其中位於長洲嘅張保仔洞係最出名,成為咗島上嘅旅遊景點。

                                     

1. 概覽

喺清嘉慶年間,張保仔率領嘅紅旗幫,係以上川島沙堤港做主基地,扼守著瓊州海峽,控制咗上川島、下川島,赤溪半島,仲有沙咀沿海,東去到香港,西去到廣州灣嘅唔少島嶼。據傳當年張保仔藏寶地係有唔少,就上川島一帶嘅島嶼就有十幾處,如鹽灶、七盤山、馬山、弓灣、石船咀、香爐洲同烏豬島等。

                                     

2. 已知嘅遺跡

其中一個最出名嘅位置喺香港離島區,長洲西南面,竉口長約莫10呎,個竉由入口至出口全長約莫88米,竉入面好黑好窄,地面濕滑,近年加設咗鋼梯,方便遊客出入。

南丫島張保仔洞喺波蘿咀大洲肚灣,比長洲嗰個大好多,深好多。1979年,南丫島起發電廠炸咗張保仔洞。

塔門、舂坎角、赤洲、小交椅洲、廣州南沙嘅龍穴島亦有張保仔洞。

                                     

3. 出面網頁

  • 長洲南環島遊(三):張保仔洞
  • 張保仔洞| 香港旅遊發展局 - Discover Hong Kong